Transcription
1
Monsieur, jay receu voz lettres du VIme de ce moys et par
2
icelles veu comme vous desirez scavoir si jay encores fait acheminer
3
lartillerye que je doibs envoyer à monsieur le marechal de Dampville,
4
ce que je nay pas encores fait, à cause du froid quil a fait si extreme
5que les rivières du Rhosne et de la Saonne ont esté [barré : ch..iées et ] glacées,
6
de façon quil ne seroit pas possible de plus. Mais si tost que la rivière
7
du Rhosne sera marchande et navigable, je les feray acheminer
8
dont je vous donneray advis, comme aussi des deux compaignies
9
que je suis après à faire dresser aux despens du pays suivant la
10
commission que le roy men a envoyé, de laquelle je vous envoye
11
coppie comme aussi de l’estat suivant lequel elles seront payées
12
par moys. Elles seront de deux cens hommes chacune où il y aura
13
soixante corcelletz et le demourant toutz harquebousiers mourrionnez
14
ainsi que je faiz estat ; vous suppliant de me mander si celles
15
que vous devez faire dresser en votre gouvernement seront de cent
16
ou deux cens hommes chacune. Jay obtenu du roy que des deniers
17
qui proviendront de la vente des meubles et louaige de maisons de ceulx
18
de la religion absens, ilz seront employez pour l’entretenement desdites
19
deux compaignies qui sera pour dautant soulaiger le pauvre pays qui en
20
a bon besoing. Au demourant, monsieur, lon me mande de la court que
21
monsieur le president de Birague a obtenu le gouvernement de Pyedmont
22
pour le seigneur Carles et semblablement la compaignie de gensdarmes du
23
feu sieur Ludovic ; qui est tout ce que je scaiche pour ceste heure digne de vous escrire,
24
après mes bien humbles recommandations à votre bonne grace, supliant le Createur,
25
monsieur, quil vous doint en bonne santé longue vye. De Lyon, le XIIe janvier 1573
26
Vostre plus afectionné à vous faire servise
27
Mandelot